ქართული ბიზნესი - სოციალური პასუხისმგებლობა და ახალი პროექტები

09.06.2016 10:38

პირველი არხი Georgian Public Broadcaster

არხი

დღეს ეროვნულ ბიბლიოთეკაში ქართული შრიფტების კონკურსი „ქართული - ა“, გამარჯვებულებს გამოავლენს. კონკურსი დიზაინერ ზვიად ციკოლიას ინიციატივით ხორციელდება და მისი მხარდამჭერები არიან პროექტი #წერექართულად და "თი-ბი-სი" ბანკი. კონკურსის მიზანია, ქართული დამწერლობის ადაპტირება, თანამედროვე სამყაროსთან, მისი გავრცელება და პოპულარიზაცია, როგორც ქვეყნის შიგნით, ისე მის ფარგლებს გარეთ. გამარჯვებულები 8 ნომინაციაში დასახელდება, კონკურსში „ქართული - ა“ გამარჯვებული ფონტები გაციფრულდება და ხელმისაწვდომი იქნება ნებისმიერი მომხმარებლისთვის. პროექტი "წერე ქართულად" ზუსტად ერთი წლის წინ დაიწყო და მისი ინიციატორი და ორგანიზატორი "თი-ბი-სი" ბანკი იყო. რატომ დაინტერესდა კორპორაცია, პროექტით - "წერე ქართულად" და როგორია მისი შედეგები - რას იღებს ბიზნესის მიერ განხორციელებული სოციალური პროექტებიდან საზოგადოება და ბიზნესი. თემაზე, "ეკონომეტრის" სტუმარია, ნინო ეგაძე "თი-ბი-სი" ბანკის მარკეტინგის სამსახურის დირექტორი.

გაზიარება: