როგორ ვისარგებლოთ მერძეული ფურის საკვები ულუფის გამომთვლელი პროგრამა რაციოლით

მერძეული ფურის საკვები ულუფის (რაციონის) გამომთვლელი ქართულ ენაზე შედგენილი პროგრამა „რაც-იოლი 1.1’’ კარგი საშუალებაა დამწყები და საშუალო ზომის ფერმერებისთვის და მარტივად გამოსაყენებელია: • ფურის პარამეტრების მიხედვით ადგენს მის დღიურ საკვებ ნორმას. • საკვები ინგრედიენტების შერჩევისით პროგრამა ითვლის საკვები ულუფის ჯამურ კვებით ღირებულებას, შესაბამისად საშუალებას იძლევა შედგეს დაბალანსებული ულუფა. • საკვები ინგრედიენტების ფასების შეყვანის შემთხვევაში პროგრამა ადგენს საკვები ულუფის ჯამურ ფასს და შესაბამისად თითოეული ცხოველის კვებისთვის გაწეულ ხარჯებს. • რეალიზებული რძის ფასის შეყვანის შემთხვევაში პროგრამა ასევე ითვლის რძის შემოსავლის და კვების ხარჯის ნაშთს. • ოპტიმიზაციის ფუნქცია დამატებით საშუალებას იძლევა განსაზღვროს ფურის კვების ყველაზე დაბალი ხარჯები. პროგრამა შეგიძლიათ გადმოტვირთოთ ბლოგი აგრონავტიდან https://blog.agronavt.ge/, ასევე პროგრამის მოკლე საინფორმაციო ვერსია შეგიძლიათ მოიძიოთ მობილურ აპლიკაცია Agronavti-ში. Agronavti-ი ხელმისაწვდომია Android-ის და Apple iOS-ის მომხმარებლებისთვის და ქართულენოვანია. პროგრამა „რაციოლი“ შექმნილია მოთხოვნაზე დაფუძნებული ინოვაციური პროექტის - ინვესტირება ხარისხიან და უვნებელ მესაქონლეობაში (SQIL) ფარგლებში, რომელიც მიზნად ისახავს სურსათის უვნებლობისა და ხარისხის გაუმჯობესებას რძის პროდუქტებისა და საქონლის ხორცის ღირებულებათა ჯაჭვში. პროექტს ახორციელებს Land O’Lakes Venture37-ი საქართველოს ფერმერთა ასოციაციასთან პარტნიორობით. პროექტი დაფინანსებულია აშშ-ის სოფლის მეურნეობის დეპარტამენტის (USDA) მიერ.