გატაცება საოკუპაციო ხაზიდან

უკვე 24 საათია, 28 წლის მამაკაცი საოკუპაციო რეჟიმის ტყვეობაში იმყოფება. გორის რაიონის სოფელ ქვეშიდან გატაცებულ ზაქარია ბუთხუზის ოჯახს ამ დრომდე არავინ დაკავშირებია. მოქალაქე რუსმა სამხედროებმა იმ დროს დააკავეს, როცა საკუთარ ვენახს ამუშავებდა. ადგილი, სადაც გატაცება მოხდა, საოკუპაციო ხაზს ესაზღვრება. ოკუპირებულ არცევის მოსაზღვრე სოფელში ჰყვებიან, რომ მითითებული ტერიტორიიდან უკვე არაერთი ადამიანია გატაცებული. ბუთხუზის დაკავებას მისი ძმაც შეესწრო, რომელმაც შემთხვევის ადგილიდან გაქცევა მოახერხა. გახშირებული გატაცებების ფონზე ისევ ჩაკეტილი რჩება ახალგორის ე.წ. გადასასვლელი, რაც გადაადგილების პრობლემის გარდა ადამიანთა ჯანმრთელობაზე პირდაპირ აისახება. ოკუპირებულ რაიონში კიდევ ერთი ადგილობრივი გარდაიცვალა.   ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.