ვითარება რუსთაველის გამზირზე

დედაქალაქის მთავარ გამზირზე ამ წუთისთვის სიმშვიდეა. აღდგენილია საავტომობილო მოძრაობაც. აქციის მონაწილეები პარლამენტის შენობასთან ამ დროისთვის აღარ იმყოფებიან. შეკრებილებმა რუსთაველის გამზირი გამთენიისას დატოვეს. რიგითი მოქალაქეები, ახალგაზრდები აქციაზე 19:00 საათზე შეიკრიბნენ. თავდაპირველად, პარლამენტთან ოპოზიციური პარტიების ლიდერებიც იმყოფებოდნენ. თუმცა, მათი ნაწილი დემონსტრანტებმა შეძახილებითა და სტვენით გააცილეს. ტრიბუნა ახალგაზრდებმა და აქტივისტებმა დაიკავეს და შეკრებილებს მიმართავდნენ. მთავარი მოთხოვნები კი შინაგან საქმეთა მინისტრის გადადგომა და ვადამდელი საპარლამენტო არჩევნებია, რომლის გამართვასაც, აქციის მონაწილეები პროპორციული სისტემით მოითხოვენ. დღევანდელი შეკრებაც 19:00 საათისთვის არის ჩანიშნული. საკანონმდებლო ორგანოსთან დილიდან „თბილსერვისის“ თანამშრომლები იმყოფებოდნენ და ტერიტორიას აწესრიგებდნენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.