ძაფის ტბა | ბორჩალოური ხალიჩები

საქართველოს იმ რეგიონებში, სადაც აზერბაიჯანულენოვანი თემი ცხოვრობდა, ხალიჩების ქსოვა ყველგან იყო ძალიან აქტიური. იყვნენ მომთაბარეები და თავიანთ ცხოვრებისეულ გამოცდილებებს ამ ხალიჩების სახით გამოხატავდნენ. რაც ხდებოდა საქართველოში იმ საუკუნეებში, ხალიჩებში მაგ პროცესებს ვხედავთ. ეჭვიც არ არის, რომ ეს არის საქართველოს კულტურული მემკვიდრეობის ერთი მარგალიტი. ამ ხალიჩების მქსოველმა ქალებმა შეიძლება არ იცოდნენ სიმბოლოს მნიშვნელობა, მისი ფილოსოფიური დატვირთვა, მაგრამ სიმეტრიას ძალიან კარგად გრძნობენ. ზუსტად იციან, რომელი ძაფის შემდეგ რა ფერის ძაფი უნდა გამოიყენონ; ისიც იციან, რომ წესის მიხედვით თუ არ გააკეთეს, გამოსახულება მთლიანად შეიცვლება, მაგრამ არ იციან როგორ არის ეს ყველაფერი დაკავშირებული უშუალოდ მათ წარსულთან, მათ საგვარეულოსთან, მათ თემთან და საბოლოო ჯამში, საქართველოს კულტურასთან. ▪ გაეცანით სხვადასხვა საინტერესო ისტორიას ვებგვერდზე - https://indigo.com.ge