საქართველოს პრემიერის ვიზიტი უნგრეთში

საქართველოს პრემიერი უნგრელ კოლეგასთან შესახვედრად ემზადება. ვიქტორ ორბანთან აუდიენციის შემდეგ ხვალ მედიისთვის ერთობლივი განცხადებების გაკეთება იგეგმება. მანამდე კი ორბანი ირაკლი ღარიბაშვილს არაოფიციალურ სადილზე უმასპინძლებს. უნგრეთში პრემიერ-მინისტრის ოფიციალური ვიზიტი დაიწყო. დღის წესრიგის მთავარი თემა საქართველოსთვის ევროკავშირის კანდიდატის სტატუსის მინიჭების პერსპექტივა და უკრაინაში მიმდინარე ომია. ქართული მხარე უნგრეთის ხელისუფლების პირველ პირებს იმ სამუშაოს გააცნობს, რომელიც ევროკომისიის 12 რეკომენდაციის შესასრულებლად ტარდება. ევროინტეგრაციის გზაზე უნგრეთის პარლამენტის სპიკერის სახელით ოფიციალურმა თბილისმა უკვე მიიღო ბუდაპეშტის მხარდაჭერა. ვიზიტის დროს მთავრობათაშორისი ეკონომიკური კომისიის სხდომაც უნდა ჩატარდეს. მოლოდინია, რომ ბუდაპეშტში დაგეგმილი შეხვედრები ორი ქვეყნის ურთიერთობას ახალ დონეზე აიყვანს. გიორგი კობერიძე აშუქებს უნგრეთში ქართული დელეგაციის ვიზიტს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/1stchannel.1... გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.