ზაზა გახელაძის სასამართლო

ოკუპირებული ცხინვალის ე.წ. სასამართლოში უკანონოდ დაკავებული ზაზა გახელაძის საქმის არსებითი განხილვა დღეს გაგრძელდება - ამის შესახებ საქართველოს პირველ არხს, დაკავებულის მეუღლემ განუცხადა. ირმა ბუთხუზი ამბობს, რომ ადვოკატს ტელეფონით ესაუბრა, თუმცა საქმეზე დეტალური ინფორმაცია არ მიუღია. შეგახსენებთ, რომ ზაზა გახელაძე, საოკუპაციო ძალების წარმომადგენლებმა, გასული წლის 11 ივლისს, სხვილოს ციხის მიმდებარე ტერიტორიაზე ცეცხლსასროლი იარაღით ფეხში დაჭრეს და დააკავეს. დე ფაქტო ხელისუფლება გახელაძეს, ე.წ. საზღვრის დარღვევის გარდა, სამხედრო მოსამსახურის სიცოცხლის ხელყოფის მცდელობაში ადანაშაულებს. ზაზა გახელაძეს გასული წლის დეკემბერში წინასწარი პატიმრობის ვადა მეორედ, ორი თვით გაუხანგრძლივეს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.