ტელეკომპანია „იბერიის“ თანამშრომლების პროტესტი

ტელეკომპანია „იბერიის“ თანამშრომლები საპროტესტო მსვლელობით მთავრობის ადმინისტრაციისკენ გაემართნენ. „იბერია“ 3 საათის განმავლობაში მაუწყებლობას თიშავს. ჟურნალისტები აცხადებენ, რომ მათი პროტესტი ხელისუფლების მხრიდან ტელევიზიაზე ზეწოლას უკავშირდება. მათი თქმით, თავდასხმა მიმდინარეობს „ომეგა ჯგუფზე“, რომელიც ტელეკომპანია „იბერიას“ აფინანსებს. ტელეკომპანიის წარმომადგენლები მოითხოვენ, გავრცელებულ ფარულ ჩანაწერებთან დაკავშირებით გამოძიება დაიწყოს. „ომეგა ჯგუფი“ ფინანსთა სამინისტროსგან საგადასახადო დავალიანების გადანაწილებას მოითხოვს. სამინისტროში აცხადებენ, რომ „ომეგა ჯგუფში“ შემავალ, სიგარეტის მწარმოებელ კომპანია შპს „ოჯთ-ის“ საგადასახადო დავალიანების სახით ერიცხება 51 მლნ 717 ათასი ლარი. კომპანიამ ორჯერ მიმართა ფინანსთა სამინისტროს შემოსავლების სამსახურს საგადასახადო დავალიანების გადანაწილებისთვის, რომელიც მათი მოთხოვნის შესაბამისად გაფორმდა, თუმცა გადამხდელის მიერ გადახდის პირობების დარღვევის გამო, ორივე გრაფიკი გაუქმდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchanne... გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.