ხმაური სემეკი-ის სხდომაზე

სემეკის სხდომაზე, სადაც ბუნებრივი გაზის ტარიფების დადგენის მიზნით, ადმინისტრაციულ წარმოების დაწყების საკითხზე მსჯელობდნენ, ხმაური იყო. დაპირისპირება კომისიის წევრ გიორგი ფანგანსა და „ლეიბორისტული პარტიის“ წარმომადგენელს, გიორგი გუგავას შორის მოხდა. ხმაური სხდომაზე მას შემდეგ დაიწყო, რაც გუგავამ სიტყვით გამოსვლისას სემეკ-ის წევრებს გაზის ტარიფზე კითხვები დაუსვა. მან კომისიის წევრები ხელისუფლების წარმომადგენლებთან გარიგებაში დაადანაშაულა. პროცესის გასანეიტრალებლად სემეკ-ის დაცვის თანამშრომლების ჩართვა გახდა საჭირო და გიორგი გუგავას დარბაზი დაატოვებინეს. საქართველოს ენერგეტიკისა და წყალმომარაგების მარეგულირებელი ეროვნული კომისია, ბუნებრივი გაზის ტარიფების დადგენის მიზნით, ადმინისტრაციულ წარმოებას იწყებს. კომისიამ ახალი ტარიფები გეგმურად, 31 დეკემბრამდე უნდა დაადგინოს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.