რადიოჰოლდინგმა „ფორტუნამ“ დაბადების დღე აღნიშნა

1997 წლის 31 დეკემბერი იყო, როცა FM სივრცეში ჯადოქრული ციფრები, 106,9 გამოჩნდა და მას შემდეგ, მსმენელის გულს თუ ყურს იპყრობს. რადიო, რომელმაც 90-იან წლებში გამოანათა, უკვე ჰოლდინგადაც იქცა და აგერ უკვე 21-ე დაბადების დღეს აღნიშნავს. ტრადიციულად, ახალ წლამდე ერთი დღით ადრე, ჰოლდინგმა თანამშრომლები და შოუბიზნესის წარმომადგენლები ერთად შეკრიბა. სწორედ ის ადამიანები, რომელთა დახმარებითაც "ფორტუნა" ოქროს სტანდარტად იქცა. "ფორტუნასთან" ერთად დაბადების დღე "ავტორადიომ" და ტელეკომპანია "მუზიქ ბოქსმაც" აღნიშნა. ავტორადიო 11-ის, ხოლო მუზიქ ბოქსი 12 წლის გახდა და ჩვენც ტკბილი ლუკმა ბოლოსკენ მოვიტოვეთ. ზუსტად 12 წელია, რაც ტელეკომპანია "მუზიქ ბოქსის" კამერები ყველა დახურულ წვეულებაზე ხვდება და კულტურულ თუ სოციალურ მოვლენებს აქტიურად აშუქებს. პირველი ქართული გასართობი ტელევიზია მაყურებლისთვის ქართული და უცხოური შოუბიზნესის გზამკვლევად იქცა, ამიტომაც არის რომ ხშირად სხვადასხვა ცნობად ადამიანებთან ერთად, საინტერესო კოლაბორაციებს სწორედ "მუზიქ ბოქსის" ეკრანებზე გადააწყდებით ხოლმე ________________________ Official Site - http://www.musicbox.ge/ MyVideo - http://www.myvideo.ge/?user_id=921478 Facebook - https://www.facebook.com/MusicBoxGeorgia Twitter - https://twitter.com/#!/musicboxge #MusicBox #News #სიახლეები