შეხვედრა ჭადრაკის ფედერაციაში

12.12.2021 01:51

პირველი არხი Georgian Public Broadcaster

არხი

კულტურის, სპორტის და ახალგაზრდობის მინისტრი საქართველოს ქალ მოჭადრაკეთა ნაკრებს შეხვდა და საერთაშორისო ასპარეზზე მიღწეული მორიგი წარმატება მიულოცა. შეხვედრაზე, რომელსაც ლეგენდარული ქართველი მოჭადრაკეებიც ესწრებოდნენ, ჭადრაკის ფედერაციის პრეზიდენტმა ფედერაციის 2021 წლის საქმიანობის ანგარიში წარმოადგინა. მინისტრის განცხადებით, წლის ბოლომდე სამინისტრო გამოსცემს სახელმძღვანელო პრინციპებს სპორტული ფედერაციებისთვის, რომ უზრუნველყოფილი იყოს მათი საქმიანობის გამჭვირვალობა და უფრო ეფექტიანი, სპორტსმენის ინტერესებზე ორიენტირებული მართვა. შეგახსენებთ, რომ საქართველოს ქალ მოჭადრაკეთა ნაკრებმა, ევროპის 23-ე გუნდურ ჩემპიონატზე ქალთა გუნდურ პირველობაში, ვერცხლის მედალი მოიპოვა. ჩემპიონატი სლოვენიაში გაიმართა. გუნდურ წარმატებასთან ერთად, ნანა ძაგნიძე და ლელა ჯავახიშვილი თამაშისას ინდივიდუალურ დაფაზე საუკეთესო შედეგების დაფიქსირებისთვის მცირე ოქროს მედლებით დაჯილდოვდნენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - / 1stchannel.1tv.ge გამოიწერეთ ჩვენი არხი - / georgianpb ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

გაზიარება: