პრემიერ მინისტრი გაეროს ასამბლეაზე

26.09.2018 03:26

პირველი არხი Georgian Public Broadcaster

არხი

გაეროს შტაბ-ბინა ხვალ ქართული მედიის განსაკუთრებული ყურადღების ცენტრში იქნება. საქართველოს პრემიერ მინისტრი 193 ქვეყნის ლიდერებს მიმართავს. უკვე ცნობილია ის თემები, რომლებზეც მამუკა ბახტაძე გაეროს გენერალური ასამბლეის 73-ე სესიაზე სიტყვით გამოსვლის დროს გააკეთებს აქცენტს. მთავრობის მეთაური საერთაშორისო ტრიბუნას ოკუპაციის პრობლემაზე სასაუბროდ გამოიყენებს. ოკუპირებულ რეგიონებში არსებული ვითარების გაცნობის გარდა გენერალური დებატების მონაწილეები საქართველოს მთავრობის იმ სამშვიდობო ინიციატივასაც მოისმენენ, რომელიც სწორედ ოკუპირებულ ტერიტორიებზე მცხოვრებ ადამიანებს ეხება. პრემიერის რანგში გაეროში ეს მამუკა ბახტაძის პირველი გამოსვლა იქნება. ერთი დღით ადრე მთავრობის მეთაური დონალდ ტრამპის და მისი მეუღლის სახელით გამართულ ოფიციალურ მიღებას დაესწრო. მარიამ ცარელაშვილი ნიუ იორკიდან. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchanne... გამოიწერეთ ჩვენი არხი - / georgianpb ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

გაზიარება: