„საქართველო 360“ - პირველი არხის ახალი პროექტი

საქართველოს პირველი არხის კიდევ ერთი მასშტაბური პროექტი - ტელევიზია მოქალაქეებს ქვეყნის სხვადასხვა კუთხეში ვირტუალური მოგზაურობის საშუალებას აძლევს, რაც პანდემიის დროს კიდევ უფრო მეტ მნიშვნელობას იძენს. https://360georgia.ge/ - ამ მისამართზე დღეიდან მუშაობას იწყებს ახალი საიტი, სადაც ვირტუალური ტურები განთავსდება. საქართველოს გამორჩეული ადგილები, მუზეუმები, კულტურულ-ისტორიული მნიშვნელობის უნიკალური ძეგლები, სხვადასხვა კუთხის კულინარიული ტრადიციები - ირაკლი გედენიძის მიერ 360 გრადუსით გადაღებული ფოტოები ერთ სივრცეში მოიყრის თავს. ახალი მედია-პლატფორმის იდეის ავტორი ვასილ მაღლაფერიძეა. პროექტი საქრთველოს ყველა რეგიონს მოიცავს. 360georgia.ge-ზე განთავსებულია ისეთი ძეგლებიც, რომლებსაც ადამიანები რთული რელიეფის გამო, არც თუ ისე ხშირად სტუმრობენ. ამ ეტაპზე საიტზე 4000-მდე  მაღალი გარჩევადობის ფოტოა ატვირთული და უკვე შესაძლებელია რამოდენიმე ათეული მარშრუტის დაგეგმვა.  პარალელურად გადაღებები რეგიონებში ინტენსიურად მიმდინარეობს და საიტი მუდმივად განახლდება. 360georgia.ge ხელმისაწვდომია ინგლისურ ენაზეც. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.