არჩევნების შედეგები და პოლიტიკური შეფასება

„ქართულმა ოცნებამ“ მთელი ქვეყნის მასშტაბით 825 000-მდე ხმა მიიღო.  ხმათა 46.74% ნიშნავს, რომ 43%-იანი ბარიერი გადალუხულია და შესაბამისად შარლ მიშელის შეთანხმების მეხუთე პუნქტით გათვალისწინებული დათქმა, ანუ ვადამდელი საპარლამენტო არჩევნების თემა დღის წესრიგიდან მოხსნილია. ბათუმი, ზუგდიდი, რუსთავი - დღევანდელი მონაცემებით, ამ სამი ქალაქის საკრებულოებში მმართველ პარტიას უმრავლესობა აღარ აქვს, თუმცა მეორე ტურის შემდეგ ხელისუფლება ამ სურათის თავის სასარგებლოდ შეცვლას პროგნოზირებს. მომდევნო სამი წლის განმავლობაში მმართველი პარტია არჩევნების ჩატარებას გამორიცხავს, მაგრამ რიგგარეშე არჩევნების თემა, როგორც ჩანს, ისევ აქტუალურია ოპოზიციის ნაწილისთვის, რომელიც მეორე ტურის შემდეგ ამ საკითხის გააქტიურებას გეგმავს. ამ შემთხვევაში მათი მთავარი არგუმენტი ხუთ თვითმმართველ ქალაქში დანიშნული მეორე ტური და საკრებულოებში ძალთა ახალი ბალანსია. საკუთარი შედეგებით ოპოზიციური პარტიები უკმაყოფილებას არ მალავენ და საკუთარი სტრატეგიის გადახედვას აანონსებენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.