ხანძარი ბორჯომის ტყეში

ცოტა ხნის წინ ხანძრის რამდენიმე ახალი კერა გაჩნდა ბორჯომის ტყეში. ცეცხლის გავრცელების არეალი, გუშინდელთან შედარებით, შემცირებულია, თუმცა მაღალი ტემპერატურის და ძლიერი ქარის გამო ზოგიერთი ლიკვიდირებული უბანი ხელახლა ღვივდება. მთავარი კერები ბორჯომის რაიონის სამ სოფელთან - დგვართან, ქვაბისხევთან და ზორეთთანაა. სტიქიის ზონაა ახალციხის მუნიციპალიტეტის სოფელ აწყურთან ახლოს მდებარე ტყის მასივის გარკვეული ნაწილიც. დილიდან ცეცხლით მოცული ტერიტორიების ლიკვიდირებას ცოცხალ ძალასთან ერთად ავიაციაც ცდილობს. ხანძარსაწინააღმდეგო სამუშაოებში ჩართულია თურქული ავიაციაც. უამინდობასთან ერთად მეხანძრეების მუშაობას რელიეფური პირობებიც ართულებს. მთავარი საფრთხე ცეცხლის დასახლებულ პუნქტებზე გავრცელებაა, რის თავიდან ასაცილებლად პრევენციულ ზომები ტარდება. შალვა სუმბაძე მუშაობს ბორჯომის ხეობაში. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.