„როგორ გადავიღოთ დოკუმენტური ფილმი?" - ტრენინგი უნივერსიტეტში
06.03.2014
01:27
დღეს იაკობ გოგებაშვილის სახელობის თელავის სახელმწიფო უნივერსიტეტში მოკლემეტრაჟიანი ფილმების გადაღებაზე ტრენინგი ჩატარდა, რომელსაც უმაღლესი სასწავლებლის სხვადასხვა კურსის ჟურნალისტიკის ფაკულტეტის სტუდენტები ესწრებოდნენ. შეხვედრაზე საუბარი შეეხო ფოტო და ვიდეო-ფილმების გადაღების სპეციფიკას, ასევე ნაჩვენები იყო დოკუმენტური ფილმები, რომელთა შესახებაც სტუდენტებმა მსჯელობა-დისკუსია გამართეს. როგორც ტრენერმა, გიორგი ბეჟანიშვილმა განაცხადა, ტრენინგის მიზანია სტუდენტებმა აიმაღლონ თეორიული ცოდნა და მიიღონ პრაქტიკული უნარ-ჩვევები. პროექტის დასასრულს მონაწილეები უმაღლესი სასწავლებლის პედაგოგებზე მოკლემეტრაჟიან ფილმებსაც მოამზადებენ. ვებ-გვერდზე გადასვლა: http://bit.ly/NC4rPA
