ურთიერთთანამშრომლობის მემორანდუმი გორის მუნიციპალიტეტთან

13 ოქტომბერს, „გორის დღეების'' ფარგლებში, საქართველოს კულტურისა და ძეგლთა დაცვის სამინისტროსა და გორის მუნიციპალიტეტს შორის, გორის კულტურის სახლის შენობაში ურთიერთთანამშრომლობის მემორანდუმი გაფორმდა. ახალი კინოკლუბის გახსნასთან დაკავშირებით თანამშრომლობის დოკუმენტს ხელი მოაწერეს მინისტრის მოადგილე ბადრი ბაგრატიონ-გრუზინსკიმ და გორის მუნიციპალიტეტის საკრებულოს თავმჯდომარემ დავით რაზმაძემ. მემორანდუმი საქართველოს კულტურისა და ძეგლთა დაცვის მინისტრის გურამ ოდიშარიას მიერ ინიცირებული პროექტის „რეგიონებში კულტურის ცოცხალი კერების ამოქმედების შესახებ'' ფარგლებში გაფორმდა და ითვალისწინებს კინემატოგრაფიის პოპულარიზაციის მიზნით ქ. გორში კინოკლუბის ჩამოყალიბების და ფუნქციონირების ხელშეწყობას; ასევე, პროგრამების და პროექტების განხორციელების გზით, სკოლამდელი ასაკის ბავშვების და მოსწავლე-ახალგაზრდობის კულტურული და საგანმანათლებლო დონის ამაღლებას. თანამშრომლობის დოკუმენტის ხელმოწერის თარიღი საგანგებოდ დაემთხვა ქალაქ გორის დღეებს, რომელიც 12-13 ოქტომბერს აღინიშნება. დღესასწაული სხვადასხვა კულტურულ ღონისძიებას მოიცავს, რომლის მთავარი მიზანიც ქალაქის ტრადიციების, კულტურის, ისტორიის პოპულარიზაცია და გაცნობაა. http://www.culture.gov.ge http://www.facebook.com/culturegovge http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045