სასწავლო ვიზიტი სათემო მობილიზაციის შესახებ მარნეულში

4 აპრილს, მარნეულის მუნიციპალიტეტში არასამთავრობო ორგანიზაცია ქალთა საინფორმაციო ცენტრის და ფონდი ტასოს ინიციატივითა და ადგილობრივი თვითმმართველობის ორგანიზებით, მოეწყო სასწავლო ვიზიტი სათემო მობილიზაციის შესახებ. ვიზიტის ფარგლებში მარნეულს ეწვივნენ უკრაინის დონეცკისა და ლუგანსკის რეგიონული ადმინისტრაციის წარმომადგენლები, უკრაინის თვით დახმარების ჯგუფების ხელმძღვანელი ქალები, უკრაინის ქალთა ფონდისა და უკრაინული UN Women-ის წარმომადგენლები. შეხვედრის მიზანს უკრაინელების 19 კაციანი ჯგუფისთვის მუნიციპალიტეტში სათემო მობილიზაციის მეთოდოლოგიისა და პრაქტიკის გაცნობა წარმოადგენდა, რომელიც არასამთავრობო ორგანიზაცია ქალთა საინფორმაციო ცენტრმა მარნეულის ადგილობრივ თვითმმართველობასთან თანამშრომლობის ფარგლებში განახორციელა. შეხვედრას ესწრებოდნენ მარნეულის მუნიციპალიტეტის გამგებელი მერაბ თოფჩიშვილი, საკრებულოს თავჯდომარე ნაბი აბდულაევი მოადგილეებთან ერთად, ადგილობრივი თვითმმართველობის თანამშრომლები და ადგილობრივი ქალთა არასამთავრობო ორგანიზაციების წარმომადგენლები. სასწავლო ტურის ფარგლებში საინფორმაციო შეხვედრა ასევე მარნეულის მუნიციპალიტეტის სოფელ მოლაოღლიშიც გაიმართა. ვრცლად იხილეთ: http://marneuli.gov.ge/…/1493-sastsav...