რატომ ჩაგრავს სახელმწიფო სკოლამდელი ასაკის ბავშვებს ტაბაწყურში
12/18/2022
Mtisambebi / მთის ამბები-ის
მიერ
https://mtisambebi.ge/ - „არ მინდა, ბავშვები მხოლოდ იმის გამო იჩაგრებოდნენ, რომ ტაბაწყურში ცხოვრობენ. ჩვენ არაფერში ვართ დამნაშავე აქ რომ დავიბადეთ“, - ირინა მარტიროსიანი 16 წლის არის, ტაბაწყურის სკოლის მე-11 კლასშია და მთელ დროს, საკუთარი ძალებით უნივერსიტეტისთვის მომზადებას უთმობს. სწავლის გაგრძელება თბილისში, ტურიზმის მიმართულებით სურს. როცა გაიგო, რომ „მთის ამბებმა“ ტაბაწყურში საბავშვო ბაღის გახსნის მოთხოვნით პეტიცია შექმნა და ხელმოწერებს აგროვებს, ამ საქმეს მშობლების თანხმობით სათავეში ჩაუდგა. ირინა იშვიათი გამონაკლისია, რომელმაც სოფელში ქართული ენა კარგად იცის.
