გორის სკოლებში დღეს მოსწავლეები საკლასო ოთახებს დაუბრუნდნენ

01.10.2020 02:29

Trialeti TV

არხი

ეწვიეთ ტელეკომპანია ,,თრიალეთის" ოფიციალურ საიტს http://trialeti.ge გორის სკოლებში დღეს მოსწავლეები საკლასო ოთახებს დაუბრუნდნენ. დღეს მათ სკოლის შენობაში შესვლამდე თერმოსკრინინგი უტარდებოდათ და შემდეგ, შესაბამისი ჰიგიენის ნორმებსა და დისტანციას იცავდნენ. აკრძალული იყო სკოლის შენობაში მოსწავლეთა მშობლებისა და სხვა გარეშე პირების შესვლა, თუ ამის აუცილებლობა არ არსებობდა. საჯარო სკოლებში ამბობენ, რომ სასწავლო პროცესში ახალი რეკომენდაციების დაცვა არც თუ ისე რთული აღმოჩნდა, რადგან სწავლის დაწყებამდე, მოსწავლეებიც და პედაგოგებიც წინასწარ იყვნენ სათანადოდ ინფორმირებულნი. საჯარო სკოლების ნაწილმა სწავლების ჰიბრიდული მოდელი აირჩია, რაც ერთობლივად როგორც დისტანცურად, ასევე საკლასო ოთახებში, მოსწავლეთა დასწრებით ჩატარებულ გაკვეთილებს გულისხმობს. პედგაოგები იმედოვნებენ, რომ სწავლების ახალი მეთოდი მათ ონლაინ გაკვეთილებთან შედარებით, უკეთეს შედეგზე გაიყვანს.

გაზიარება: