#არჩევნები2020 წინასაარჩევნო მონიტორინგის შუალედური ანგარიში

საია-მ 2020 წლის საპარლამენტო არჩევნების გრძელვადიანი სადამკვირვებლო მისიის შუალედური ანგარიში წარმოადგინა. წინასაარჩევნო პროცესებს, ორგანიზაცია გრძელვადიანი სადამკვირვებლო მისიის ფარგლებში, 9 რეგიონში აკვირდება. 2020 წლის საპარლამენტო არჩევნების შუალედური ანგარიში მოიცავს 1 ივნისიდან 31 აგვისტოს ჩათვლით განხორციელებული მონიტორინგის შედეგებს. მასში მოცემულია ანალიზი გამოვლენილ დარღვევებზე ან ისეთ ქმედებებზე, რომელიც თავისთავად კანონდარღვევას არ წარმოადგენს, მაგრამ ცუდი პრაქტიკაა. საია-ს დამკვირვებლებმა როგორც მმართველი პარტიის, ისე ოპოზიციის მხრიდან დააფიქსირეს: სახელმწიფოსა და პარტიის გამიჯვნის მოთხოვნის უგულებელყოფის, ამომრჩევლის მოსყიდვისა და სავარაუდო მოსყიდვის, ძალადობრივი ქმედებების, დაძაბული არჩევნების წინა გარემოს შექმნისა და წინასაარჩევნო აგიტაციის ხელის შეშლის შემთხვევები. მათი თქმით, გასული წლების მსგავსად, ამჯერადაც დაფიქსირდა ამომრჩევლის მოსყიდვის მცდელობის ფაქტები, როგორც ხელისუფლების წარმომადგენლების, ასევე ოპოზიციური პარტიების მხრიდან („ლელო“ და „პატრიოტთა ალიანსი“). ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.