13 თებერვალს რადიოს მსოფლიო დღე აღინიშნება

13 თებერვალს რადიოს მსოფლიო დღე აღინიშნება. 2022 წლის თემა - „რადიოსანდობაა“, იმის ნიშნად, რომ რადიო ინფორმაციის ერთ-ერთ ყველაზე სანდო წყაროდ ითვლება. „ხალხი ენდობა რადიოს, ის ყველასთვის ხელმისაწვდომია და ყველგან არის გავრცელებული“, – ნათქვამია იუნესკო-ს განცხადებაში. რადიოს მსოფლიო დღე რადიოს ცნობადობის ამაღლებას, მისი საშუალებით ინფორმაციის მიღებას და სხვადასხვა საერთაშორისო რადიოებს შორის კავშირის დამყარებას ემსახურება. 13 თებერვალი იუნესკო-მ რადიოს მსოფლიო დღედ 2011 წელს გამოაცხადა. 1946 წელს სწორედ ამ დღეს შეიქმნა გაერო-ს რადიო. მსოფლიოში პირველად რეგულარული რადიომაუწყებლობა ამერიკის შეერთებულ შტატებში პიტსბურგში 1921 წლის ნოემბერში დაიწყო. საქართველოში კი კავშირგაბმულობის შენობიდან პირველი საცდელი გადაცემა ეთერში 1925 წლის 23 მაისს გავიდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.