TBILISI POTO FESTIVAL 2015

25 სექტემბერს, 18:00 საათზე, აბანოთუბანში (ლეღვთახევში), საქართველოს კულტურისა და ძეგლთა დაცვის მინისტრის მოადგილე კახა კანდელაკი თბილისის ფოტოფესტივალის გახსნას დაესწრება. ფესტივალი გერმანელი, პოლონელი და ლიტველი ფოტოგრაფების საერთო პროექტით “ომის შემდგომი ისტორიები” გაიხსნება, რომელიც მეორე მსოფლიო ომის დასრულების 70 წლისთავს ეხმიანება. რიგით მეექვსე თბილისის ფოტოფესტივალი 25 სექტემბრიდან 1 ოქტომბრამდე გაგრძელდება. პროგრამა 200-მდე ქართველი და უცხოელი ფოტოგრაფის ნამუშევარს აერთიანებს, რომელიც ექსკლუზიური გამოფენების, მასტერკლასების და ტრადიციული „ფოტოგრაფიის ღამის“ პროგრამაში იქნება წარმოდგენილი. წელს თბილისის ფოტოფესტივალის საპატიო სტუმარია ცნობილი ჯგუფი „#DYSTURB“, რომელიც ფრანგ ფოტოჟურნალისტებს აერთიანებს. 26 სექტებერს, 17:00 საათზე, ფრონტლაინ კლუბში ჯგუფის წევრები ღია ლექციას და პრეზენტაციას ჩაატარებენ. ჯგუფი „#DYSTURB“ მსოფლიოში ცნობილი მას შემდეგ გახდა, რაც გიგანტური ფორმატის ფოტოების გაკვრა სხვადასხვა ქალაქის ქუჩებში, ფასადებზე დაიწყო. დიდი ფორმატის ფოტოები მსოფლიოში მიმდინარე მოვლენებს ასახავს და ურბანული პეიზაჟის ნაწილი ხდება. 24 სექტემბრიდან ძველი თბილისის ქუჩები #DYSTURB-ის მიერ შერჩეული იმ ფოტოებით დაიფარება, რომელიც ქართული საზოგადოებისთვის და ზოგადად, თანამედროვე სამყაროსთვის აქტუალურ მწვავე სოციალურ პრობლემებს ეხმიანება. http://www.culture.gov.ge/ http://www.facebook.com/culturegovge http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045