სამოქალაქო არეულობის მოწყობის საქმე

დესტაბილიზაციის, არეულობისა და სახელმწიფო გადატრიალების მცდელობის საქმეზე მიმდინარე გამოძიებასთან დაკავშირებით, სახელმწიფო უსაფრთხოების სამსახურს დამატებითი ინფორმაცია ამ დრომდე არ გაუვრცელებია. სუს-ში სერბეთის მოქალაქეების გამოკითხვა გუშინ გვიან ღამემდე მიმდინარეობდა, თუმცა, უწყების დატოვების შემდეგ ჟურნალისტებთან კომენტარი არ გაკეთებულა. გამოკითხულებს და მათ უფლებადამცველებს გაუთქმელობის დოკუმენტზე აქვთ ხელი მოწერილი, რაც მათ ინფორმაციის გასაჯაროვებას უკრძალავს. მედიასთან საუბრისას ადვოკატებმა მხოლოდ ის თქვეს, რომ საქმე აბსურდულია. სერბეთის სამი მოქალაქე საქართველოში ხელისუფლების ძალადობრივი გზით დამხობისა და არეულობის მოწყობის საქმეზე მიმდინარე გამოძიების ფარგლებში, სუს-ში გუშინ დაიბარეს. სახელმწიფო უსაფრთხოების სამსახურის ცნობით, სერბეთის მოქალაქეები ორგანიზაცია „კანვასის“ წევრები არიან, რომელსაც ახალგაზრდები დესტაბილიზაციის მოსაწყობად უნდა გადაემზადებნა. აღნიშნული პირები თბილისში USAID-ის მიერ ორგანიზებულ ტრენინგზე იმყოფებოდნენ. მოუწევთ თუ არა მათ სუს-ში მისვლა კიდევ ერთხელ კითხვებზე საპასუხოდ, ეს ჯერჯერობით უცნობია. დღეისთვის სახელმწიფო უსაფრთხოების სამსახურში გამოკითხვა ჩანიშნული არ არის. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/1stchannel.1... გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.