მინისტრობის კანდიდატების მოსმენა

გაერთიანებული კომიტეტების სხდომაზე განათლებისა და ჯანდაცვის მინისტრობის კანდიდატებს მოუსმინეს. მიხეილ ჩხენკელმა და ეკატერინე ტიკარაძემ პრიორიტეტებზე ისაუბრეს და დეპუტატების კითხვებს უპასუხეს. ყურადღება გამახვილდა ვაქცინაციაზე, პანდემიის პირობებში მოსწავლეებისა და პედაგოგების უსაფრთხოებაზე, კლინიკების გაძლიერებაზე. დეპუტატები დაინტერესდნენ, რამდენად არის დაცული სკოლებში უსაფრთხოება და ასევე, როგორია ცოდნის მიღების ხარისხი დისტანციური სწავლების პირობებში. მინისტრობის კანდიდატების მოსმენა ოთხი საათის განმავლობაში მიმდინარეობდა. სხდომის დასრულების შემდეგ, ეკატერინე ტიკარაძემ განმარტა, რომ ფაიზერის ვაქცინასთან დაკავშირებით გარკვეული შეფერხებები არსებობს, მაგრამ წლის პირველ კვარტალში ქვეყანა ფაიზერის ვაქცინის დაგეგმილ დოზებს მიიღებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.