ევრონესტის რეზოლუცია - პოლიტიკური შეფასებები

ბრიუსელში ევრონესტის საპარლამენტო ასამბლეაზე ჩავარდნილი საქართველოს მხარდამჭერი რეზოლუციის ინიციატივა კვლავ პოლიტიკური შეფასებების თემაა. „ქართული ოცნების“ მიერ ინიცირებული რეზოლუცია საქართველოს, უკრაინისა და მოლდოვის ევროინტეგრაციას, საქართველოს ტერიტორიული მთლიანობის დაცვასა და რუსული აგრესიის დაგმობას ეხებოდა. პროექტის ინიცირებისთვის ათი თანასპონსორის მხარდაჭერა იყო საჭირო, თუმცა დოკუმენტს ქართულ დელეგაციაში მყოფი ოპოზიციონერი დეპუტატებისა და უკრაინელი დეპუტატების ხელმოწერა არ ჰქონდა, რის გამოც ჩავარდა. მმართველი გუნდის განცხადებით, არაერთი შეთავაზების მიუხედავად, ოპოზიციამ რეზოლუციის პროექტს ხელი არ მოაწერა. ოპოზიციის წარმომადგენლების თქმით კი, საკითხთან დაკავშირებით ინფორმირებულები არ იყვნენ. „ქართულმა ოცნებამ“ ოპოზიციის გადაწყვეტილება საქართველოს ევროპული მომავლის დაზიანების მცდელობად და სამშობლოს მტრობად შეაფასა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.