საახალწლო ღონისძიება მარნეულში

ამ წუთებში მარნეულში საახალწლო ღონისძიება გრანდიოზული ფოერვერკით დასრულდა. კულტურის სახლის ეზოში, საახალწლო აქტივობები დღეს, 15:00 საათიდან აქტიურად მიმდინარეობდა. ღონისძიების პირველი ნაწილი სანტა–კლაუსისა და ზღაპრის გმირების პროგრამით გაიხსნა, რომლებიც დამსწრე აუდიტორიის წინა საახალწლო განწყობის შექმნაზე ზრუნავდნენ და პატარებს მასპინძლობდნენ. ღონისძიებაზე მოსულმა პატარებმა სანტა კლაუსისგან სამახსოვრო საახალწლო საჩუქრებიც მიიღეს. ღონისძიების მეორე ნაწილი მარნეულის სპორტსკოლის წარმატებული სპორტსმენებისა და მწვრთნელების დაჯილდოებას დაეთმო, რომელიც პირადად მუნიციპალიტეტის ხელმძღვანელმა პირებმა და მარნეულის სპორტსკოლის დირექტორმა დააჯილდოვეს. დღის ბოლოს კი საახალწლო ღონისძიება, გრანდიოზული გალა კონცერტით დასრულდა, რომელიც ადგილობრივმა ქართული ხალხური სიმღერების ანსამბლმა „იბერიამ“ გახსნა. დღეს მაყურებლის წინაშე წარსდგნენ როგორც ადგილობრივი ისე, მოწვეული კოლექტივები მომღერლები: გიორგი კობაიძე, ლევან კვინიკაძე, ნინია მეტრეველი, ქეთა წიკლაური, აისელ მამედოვა, ანსამბლი „იბერია“. ღონისძიებას უძღვებოდნენ ცნობილი შოუ–ბიზნესის წარმომადგენლები პაატა გულიაშვილი და მანანა აბრამიშვილი. ღონისძიებას ესწრებოდნენ თვითმმართველობის ხელმძღვანელი პირები, მუნიციპალიტეტის გამგებელი მერაბ თოფჩიშვილი მოადგილეებთან ერთად, რომელთაც სიტყვით მიმართეს შეკრებილ აუდიტორიას დამდეგი ახალი წელი მიულოცეს და წარმატებები და წინსვლა უსურვეს. https://www.facebook.com/pg/marneuli....