გამგეობის სხდომა რაგბის კავშირში

სარაგბო კლუბ „ლელოს“ ბაზაზე საქართველოს რაგბის კავშირის გამგეობის სხდომა ჩატარდა. გამგეობის წევრებმა იმსჯელეს პრეზიდენტობის ერთ-ერთი კანდიდატის, ბაჩო ხურციძის  წერილობითი მოთხოვნის შესახებ, რომელიც კავშირის პრეზიდენტის არჩევნების გადადებას მოითხოვს. დახურულ სხდომას, რომლის უსაფრთხოებასაც პოლიცია იცავდა, დაესწრო პრეზიდენტობის ორი კანდიდატი: ირაკლი აბუსერიძე და გოჩა სვანიძე. როგორც ცნობილი გახდა, გამგეობის წევრების უმრავლესობის აზრით, არჩევნების გადადების ლეგიტიმური საფუძველი არ არსებობს, თუმცა საბოლოო გადაწყვეტილებას თარიღთან დაკავშირებით, კვირას, გამგეობის კიდევ ერთ სხდომაზე მიიღებენ.  შეგახსენებთ, რაგბის კავშირის პრეზიდენტის არჩევნები რამდენჯერმე  სხვადასხვა მიზეზით გადაიდო. უკანასკნელი გადაწყვეტილებით, არჩევნები 30 დეკემბერს უნდა ჩატარდეს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.