ზურაბ ჭიაბერაშვილის განცხადება

„ევროპული საქართველოს“ წევრი ზურაბ ჭიაბერაშვილი ქრონიკული დაავადებების მედიკამენტებით უზრუნველყოფის პროგრამაში დაგეგმილ ცვლილებებს პრემიერის მხრიდან საზოგადოების დაცინვად აფასებს. მისი თქმით, ჯანდაცვის სამინისტრომ განვლილ ექვს თვეში პროგრამაზე გამოყოფილი 20 მლნ ლარიდან მხოლოდ 2.5 მლნ ლარი აითვისა. 200 000 მოქალაქის ნაცვლად კი 2017-2018 წლებში პროგრამით მხოლოდ 32 669 პირმა ისარგებლა. შეგახსენებთ, რომ ქრონიკული დაავადებების სამკურნალო მედიკამენტების პროგრამაში დაგეგმილი ცვლილებების თანახმად, დიფერენცირება იხსნება და სოციალურად დაუცველ პირებთან ერთად, პენსიონერებს, შეზღუდული შესაძლებლობების მქონე პირებსა და სხვა ჯგუფებს მედიკამენტების ერთ ლარად შეძენა შეეძლებათ. მანამდე, სოციალურად დაუცველი მოქალაქეების გარდა, აღნიშნული პროგრამით მოსარგებლეებს მედიკამენტების ღირებულების 50%-ის გადახდა უწევდათ. ჯანდაცვის სამინისტროში აცხადებენ, რომ აპირებენ გარკვეული ნაბიჯების გადადგმას, რათა მოსახლეობა მეტად იყოს ინფორმირებული აღნიშნული პროგრამის შესახებ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.