სუს-მა თაღლითობის მცდელობის ფაქტზე ადვოკატი დააკავა

სახელმწიფო უსაფრთხოების სამსახურმა თაღლითობის მცდელობის ფაქტზე ადვოკატი დააკავა. გამოძიების ინფორმაციით, 10 000 ამერიკული დოლარის სანაცვლოდ, ის ირანის მოქალაქეს, თითქოსდა შინაგან საქმეთა და იუსტიციის სამინისტროების მაღალი თანამდებობის პირების ხელშეწყობით, საქართველოს მოქალაქეობის მიღებაში დახმარებას დაჰპირდა. ადვოკატი თანხის გადაცემის დროს ბრალდებულის სახით აიყვანეს. გამოძიება დიდი ოდენობით თაღლითობის მცდელობის ფაქტზე მიმდინარეობს. საქმის მოკვლევას სახელმწიფო უსაფრთხოების სამსახურის ანტიკორუფციული სააგენტო აწარმოებს. დანაშაულის დამტკიცების შემთხვევაში, დაკავებულს 6-დან 9-წლამდე ვადით თავისუფლებას აღკვეთა ემუქრება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.