აქცია კანცელარიასთან

სასწრაფო სამედიცინო დახმარების თანამშრომლები, პროფკავშირებთან ერთად, მთავრობის კანცელარიასთან აქციას მართავენ. ექიმები, ექთნები და მძღოლები ხელფასების მატებასთან ერთად, ღირსეულ სამუშაო პირობებს ითხოვენ. როგორც აქციის მონაწილეები აცხადებენ, გასულ კვირებში ჯანდაცვის სამინისტროს წარმომადგენლებთან გამართულ შეხვედრაზე შეთანხმებას ვერ მიეღწია, რის შემდეგაც აქციების გაგრძელების გადაწყვეტილება მოთხოვნების დაკმაყოფილებამდე მიიღეს. მათი თქმით, ერთი თვეა, მოეხსნათ დანამატი, რომელსაც სახელმწიფო კოვიდპროგრამის გათვალისწინებით გასცემდა, გამოძახების სტატისტიკა კი არ შეცვლილა. სასწრაფო სამედიცინო დახმარების თანამშრომლები ამ მოთხოვნებით საპროტესტო აქციებს თვეზე მეტია, პერიოდულად სხვადასხვა უწყებებთან მართავენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.