აფრასიძეების ოჯახის წევრების მოთხოვნა

პროკურატურას კიდევ ერთ რეზონანსულ საქმეს ახსენებენ. სვანეთში 16 წლის წინ ჩატარებული სპეც-ოპერაციის დროს მოკლული მამა-შვილ აფრასიძეების ოჯახი გამოძიების დაჩქარებას მოითხოვს. ორ დღეში საქმის ადვოკატი გენერალურ პროკურორს უნდა შეხვდეს. ოჯახის უფლებადამცველს აინტერესებს, რატომ ჭიანურდება ძიება და რატომ არ არიან დღემდე საქმის ფიგურანტი ყოფილი მაღალჩინოსნები დაკითხულები. ოჯახი ამტკიცებს, რომ სოფელ ეცერში ჩატარებული ოპერაციის დროს აფრასიძეები შეიარაღებულები არ ყოფილან და სამართალდამცავებმა მათ წინააღმდეგ ცეცხლი უკანონოდ გახსნეს. საპირისპიროს ამტკიცებს მაშინდელი შინაგან საქმეთა მინისტრი გიორგი ბარამიძე, რომელსაც ყოფილ პრეზიდენტთან და სხვა ექს-მაღალჩინოსნებთან ერთად აფრასიძეების ოჯახი უკანონო ბრძანების გაცემაში ადანაშაულებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.