თურქეთში საქართველოს კიდევ ერთი მოქალაქე გარდაცვლილი იპოვეს

თურქეთში, ნანგრევებში საქართველოს კიდევ ერთი მოქალაქე გარდაცვლილი იპოვეს. ამის შესახებ ინფორმაცია საქართველოს პირველ არხს საგარეო საქმეთა სამინისტროდან მიაწოდეს. საქართველოს მოქალაქეს ქალაქ გაზიანტეპში მიაკვლიეს. ამ დროისთვის თურქეთში ძლიერი მიწისძვრის შედეგად დაღუპული საქართველოს ხუთი მოქალაქის ცხედარია აღმოჩენილი. თურქეთში მიწისძვრით დაზარალებულ ქართველებს, რომლებსაც საქართველოში დაბრუნება სურთ, თურქეთში საქართველოს საელჩო დაეხმარება, – ამის შესახებ თურქეთში საქართველოს ელჩმა, გიორგი ჯანჯღავამ პირველი არხის ეთერში განაცხადა. დიპლომატი ამბობს, რომ გამომგზავრებასთან დაკავშირებით კონკრეტული სქემის შესახებ, უახლოეს მომავალში გახდება ცნობილი. ელჩი ამ წუთისათვის სტიქიის ეპიცენტრისკენ მიემგზავრება, სადაც ქართველ მაშველებს მოინახულებს, ასევე ჰუმანიტარულ დახმარებას დაარიგებენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.