ვითარება მარნეულის მუნიციპალიტეტში

სამგლოვიარო სუფრა, რომელმაც საქართველოს ორი რაიონის ჩაკეტვა გახადა საჭირო. უკვე 22-ე საათია, მარნეულსა და ბოლნისში საკარანტინო რეჟიმი მოქმედებს. მარნეულის მკვიდრი 62 წლის ქალის მდგომარეობა კრიტიკულად მძიმეა. ეს არის საქართველოში ე. წ. მეოთხეული გადაცემის პირველი შემთხვევა. ამიტომ რაიონში ჯანდაცვის სამსახურების მობილიზებაა. კარდაკარ ამოწმებენ და აკვირდებიან ყველას, ვისთანაც კორონავირუსით ინფიცირებულ ქალს ახლო კონტაქტი ჰქონდა. ინფექციის წყარო დადგენილი არ არის. კონტაქტების სია კი ვრცელია და საერთო ჯამში 1 700-ს აღწევს. ქალაქ მარნეულში და მუნიციპალიტეტის ყველა სოფელში მკაცრი შეზღუდვები მოქმედებს-სახლიდან გასვლა ნებადართულია მხოლოდ სურსათის ან მედიკამენტების შესაძენად. რაიონის ყველა შესასვლელთან პოლიციის და თავდაცვის ძალები დგანან. ეწყობა რამდენიმე საველე ჰოსპიტალი. „მოამბის“ გადამღები ჯგუფი მარნეულში იმყოფება. ლიკა ალელიშვილი, გიორგი პაჭიკაშვილი და ირაკლი გედენიძე ქალაქ მარნეულში სპეციალისტების რეკომენდაციების დაცვით მუშაობენ. ლიკა ალელიშვილს ვრთავთ პირდაპირ ეთერში. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.