ჩინეთთან საზღვრის დაკეტვის მოთხოვნით, ჰონგ-კონგში მედიკოსები გაიფიცნენ

ჩინეთთან საზღვრის დაკეტვის მოთხოვნით, ჰონგ-კონგში ასობით მედიკოსი გაიფიცა. კოორნავირუსის გავრცელების გამო, ჰონგ-კონგმა ჩინეთთან სარკინიგზო და საბორნე მიმოსვლა შეაჩერა, თუმცა, საავადმყოფოების თანამშრომლები საზღვრის სრულ ჩაკეტვას ითხოვენ. საპროტესტო აქციის ორგანიზატორი პროფკავშირის წარმომადგენლები აცხადებენ, რომ მოთხოვნის შეუსრულებლობის შემთხვევაში, 4 თებერვლიდან გაფიცვას ათასობით ექიმი შეუერთდება. როგორც აქციის ორგანიზატორები ამბობენ, თუ საზღვარი სრულად არ ჩაიკეტება, ჰონგ-კონგში დაავადებასთან საბრძოლველად არ იქნება საკმარისი ადამიანური რესურსი, თავდაცვითი აღჭურვილობა და საიზოლაციო ოთახები. თუმცა, ჰონგ-კონგის ხელისუფლება აცხადებს, რომ ჩინეთთან საზღვრის სრულად ჩაკეტვა ჯანდაცვის მსოფლიო ორგანიზაციის რეკომენდაციებს ეწინააღმდეგება. ამ დროისთვის ჰონგ კონგში გამოვლენილია კორონავირუსის 15 შემთხვევა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.