პიანისტთა თბილისის V საერთაშორისო კონკურსი

1 ოქტომბერს, 18:00 საათზე, თბილისის ვ. სარაჯიშვილის სახელობის თბილისის სახელმწიფო კონსერვატორიაში, საქართველოს კულტურისა და ძეგლთა დაცვის სამინისტროს მხარდაჭერით, პიანისტთა თბილისის V საერთაშორისო კონკურსი გაიხსნება.
გახსნას დაეწსრებიან საქართველოს კულტურისა და ძეგლთა დაცვის სამინისტროს წარმომადგენლები, საქართველოს მუსიკალური კონკურსების ფონდის დირექტორი მანანა დოიჯაშვილი, მოწვეული სტუმრები.
პიანისტთა თბილისის V საერთაშორისო კონკურსში მონაწილეობის სურვილი წელს 150 მუსიკოსმა გამოთქვა მსოფლიოს სხვადასხვა ქვეყნიდან.
პიანისტთა თბილისის V საერთაშორისო კონკურსი 2013 წლის 1 ოქტომბერს საზეიმოდ გაიხსნება, რის შემდგომაც გაიმართება ცნობილი იტალიელი პიანისტის, კონკურსის ჟიურის წევრის ალბერტო ნოზეს კონცერტი (პიანისტთა თბილისის საერთაშორისო კონკურსს ტრადიციულად ყოველთვის ჟიურის წევრები ხსნიან). კონკურსი 4 ტურად ჩატარდება. საკონკურსო ტურების მოსმენა 2-დან -13 ოქტომბრამდე გაიმართება.
პიანისტთა თბილისის V საერთაშორისო კონკურსის მხარდამჭერები არიან ქ. თბილისის მერია; საქართველოს კულტურისა და ძეგლთა დაცვის სამინისტრო; თბილისის ვ. სარაჯიშვილის სახ. სახელმწიფო კონსერვატორია, საქართველოს საგარეო საქმეთა სამინისტრო; გერმანიის, საფრანგეთის, იტალიის, პოლონეთის, თურქეთის რესპუბლიკების საქართველოში აკრედიტებული დიპლომატიური წარმომადგენლობები; საქართველოს ახალგაზრდა მუსიკოს-შემსრულებელთა დახმარების ფონდი „სოლო"; საფრანგეთის ინსტიტუტი საქართველოში.
საინფორმაციო მხარდაჭერა: "რუსთავი 2", "საზოგადოებრივი მაუწყებელი", რადიო "ფორტუნა", "საზოგადოებრივი რადიო 1", "კავკასუს ონლაინი".

პიანისტთა თბილისის V საერთაშორისო კონკურსი http://tbilisipiano.org.ge/



http://www.culture.gov.ge
  / culturegovge  
http://twitter.com/#!/CULTUREgovge
   / culturegovge  
http://www.flickr.com/photos/cultureg...
http://www.myvideo.ge/?user_id=855045