ვაკის პარკის საქმე - სასამართლო პროცესი

ე.წ. ვაკის პარკის საქმეზე განსასჯელების დღევანდელ სასამართლო პროცესზე ბრალდების მხარემ მტკიცებულებათა ნუსხა წარმადგინა, რომლის დართვასაც საქმეზე ითხოვს. პროკურატურის მტკიცებულებათა ნუსხა, მოწმეებისა და წერილობითი დოკუმენტების ჩამონათვალი ვრცელია. მოსამართლე გადაწყვეტს, დაერთვება თუ არა საქმეს ყველა მტკიცებულება. დღესვე ადვოკატებიც გეგმავენ მტკიცებულებების წარდგენას და მათ დასაშვებად ცნობას. ადვოკატები ასევე აპირებენ მოითხოვონ სისხლის სამართლებრივი დევნის შეწყვეტა, პროკურატურის მტკიცებულებების დაუშვებლად ცნობა და აღკვეთის ღონისძიების გაუქმება. მოსამართლემ ბრალდებულებს მიმართა, სამსახურებრივ გულგრილობაში, უსაფრთხოების წესების დარღვევით შესრულებულ სამუშაოებსა და დოკუმენტების გაყალბებაში ცნობდნენ თუ არა თავს დამნაშავედ, რაზეც მხოლოდ მერიის გარემოს დაცვის საქალაქო სამსახურის უფროსის ყოფილმა მოადგილემ, გიორგი ვახტანგაშვილმა უპასუხა, რომ დუმილის უფლებას იყენებს. სხვა ბრალდებულებმა განაცხადეს, რომ თავს დამნაშავედ არ ცნობენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/1stchannel.1... გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.