ჯარისკაცების მიმართ არაადამიანური მოპყრობის საქმე

„მოამბის“ ექსკლუზივი. იაღლუჯას ბაზის გახმაურებული საქმიდან ჩვენმა გადამღებმა ჯგუფმა მთავარი ფიგურანტების ჩვენებები და ის მასალები მოიპოვა, რომლებიც საქმეში მტკიცებულებებად დევს. საუბარია შინაგან საქმეთა სამინისტროს დაცვის ობიექტების თანამშრომლებზე, რომლებსაც ჯარისკაცების მიმართ დამამცირებელ და არაადამიანურ მოპყრობაში ედებათ ბრალი. შესაძლოა ბრალდებულთა წრე გაფართოვდეს. დაზარალებული სამხედროები დასჯის აკრძალული მეთოდების გამოყენებაში ობიექტების დაცვის დეპარტამენტის სხვა მაღალჩინოსნებსაც ადანაშაულებენ. დაასახელა თუ არა სხვა ფიგურანტები თავად ერთ-ერთმა ბრალდებულმაც, ამას გამოძიება ჯერ არ ახმაურებს. „მოამბის“ მიერ ექსკლუზიურად მოპოვებულ ჩვენებებში სამხედრო მოსამსახურეები დეტალურად ყვებიან იმ დამამცირებელ და არაადამიანურ ქმედებებზე, რომლებიც 2020 წლის იანვრიდან აგვისტომდე პერმანენტულად ხდებოდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.