გვარამიას გამოკითხვა და საგამოძიებო მოქმედებები

„რუსთავი 2“-ში საგამოძიებო მოქმედებები ამ წუთებშიც მიმდინარეობს. გამომძიებლები დოკუმენტაციას იღებენ ტელევიზიის იმ ნაწილიდან, სადაც კონტრაქტორი კომპანია, „ინტერმედია“ იყო განთავსებული. სწორედ კონტრაქტორებთან ურთიერთობა და სარეკლამო კონტრაქტები იყო ერთ-ერთი მთავარი თემა, რაზეც საქალაქო სასამართლოში დაკითხვაზე მისულ ნიკა გვარამიას, დღეს კითხვები დაუსვეს. ჯერ უცნობია, შეუცვლიან თუ არა „რუსთავი 2“-ის ყოფილ გენერალურ დირექტორს მოწმის სტატუსს და დაიბარებენ თუ არა მას განმეორებით დაკითხვაზე. გამოძიება ტელევიზიის 9%-იანი წილის ყოფილი მფლობელის, ნინო ნიჟარაძის და ტელე-კომპანიის ახალი გენერალური დირექტორის, პაატა სალიას განცხადებების საფუძველზე დაიწყო. საუბარია განცხადებებზე, რომლებიც „რუსთავი 2“-ში არსებულ მძიმე ფინანსურ პრობლემებს ეხებოდა. გვარამია საქმეს პოლიტიკურად მოტივირებულად მიიჩნევს და სამართლებრივ დავას თავადაც აანონსებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.