საქართველოს პრეზიდენტის ვიზიტი ავსტრიაში

საქართველოს პრეზიდენტი ავსტრიაში იმყოფება ვიზიტით. დისკუსია გაიმართა იქ მცხოვრებ ქართველებთან. შეხვედრას სახელოვნებო და სამედიცინო სფეროს წარმომადგენლები ესწრებოდნენ. ცნობილმა მუსიკოსებმა, კომპოზიტორებმა, კულტურის სფეროს წარმომადგენლებმა, ასევე, ექიმებმა პრეზიდენტს საკუთარი ინიციატივები წარუდგინეს, რომელთა განხორციელებაც საქართველოში არის დაგეგმილი. შეხვედრისას საუბარი შეეხო სტუდენტების გაცვლითი პროგრამების ახალი მიმართულებების შექმნასა და დაფინანსებას. ვიზიტის ფარგლებში, დღესვე ოფიციალური ცერემონია პრეზიდენტის სასახლეში გაიმართება, რის შემდეგაც ორი ქვეყნის ლიდერები ერთმანეთს პირისპირ შეხვდებიან. დაგეგმილია გაფართოებულ ფორმატში მოლაპარაკებები და პრესკონფერენცია მედიისთვის. შეხვედრები გაიმართება ეუთო-ს გენერალურ მდივანთან, ასევე, ეუთო-ში ქალი ელჩების ჯგუფთან. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.