მგალობლიშვილის ქუჩაზე წყალმომარაგება 4 ივნისს, დილის 09:00 საათიდან აღდგება

03.06.2019 01:41

პირველი არხი Georgian Public Broadcaster

არხი

მგალობლიშვილის ქუჩაზე რთული ტექნიკურ-აღდგენითი სამუშაოების გამო წყალმომარაგება 4 ივნისს, დილის 09:00 საათიდან ეტაპობრივად აღდგება. ამ დროისთვის წყალმომარაგება შეზღუდული აქვს საბურთალოს რაიონში: იოსებიძის, მიცკევიჩის, პეკინის, ცინცაძის, საირმის და მიმდებარე ქუჩებს. შეგახსენებთ, რომ ჟვანიას მოედანზე, მგალობლიშვილისა და ონიაშვილის ქუჩების კვეთაზე, წყლის ცენტრალური მილი დაზიანდა, რის გამოც საპარკინგე ტერიტორიაზე მიწა ჩაიშალა და ორი ავტომანქანა ჩავარდა. შემთხვევის შედეგად არავინ დაშავებულა. მილის დაზიანების შედეგად ამოხეთქილმა წყალმა საცხოვრებელი კორპუსის სარდაფებიც დატბორა. სამუშაოები ამ დრომდე გრძელდება. დღის განმავლობაში მოხდება ზარალის დათვლაც, რასაც კომპანია აანაზღაურებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - / 1stchannel გამოიწერეთ ჩვენი არხი - / georgianpb ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

გაზიარება: