მარნეულში გარემოსდაცვითი ღონისძიებები ჩატარდა

მარნეულში გარემოსდაცვითი ღონისძიებები ჩატარდა დედამიწის დღესთან დაკავშირებით, მარნულის მუნიციპალიტეტის ორგანიზებით გარემოსდაცვითი აქტივობები განხორციელდა. ადგილობრივი თვითმმართველობის ხელმძღვანელმა პირებმა და თანამშრომლებმა დედამიწის დღისადმი მიძღვნილი კვირეულის ფარგლებში, დასუფთავების აქცია გამართეს, რომლის ფარგლებშიც დაასუფთავეს მუნიციპალიტეტის შემოსასვლელთან არსებული მწვანე ზოლი. აქციის ფარგლებში, დასუფთავდა სოფელ ოფრეთში მდებარე ნათლისღებისა და წმინდა გიორგის სახელობის ეკლესიის მიმდებარე ტერიტორიაც, სადაც ასევე დაირგო ცაცხვის ხეები. ვინაიდან ორივე ეკლესიას მინიჭებული აქვთ კულტურული მემკვიდრეობის სტატუსი, აღნიშნული აქცია სიმბოლურად ეხმაურებოდა, როგორც მსოფლიო მემკვიდრეობის საერთაშორისო დღეს, ისე დედამიწის დღეს. მუნიციპალიტეტის ტერიტორიაზე გამართულ ფართომასშტაბიან ღონისძიებებში მონაწილეობდნენ მარნეულის მუნიციპალიტეტის მერი თემურ აბაზოვი, მოადგილე ლაშა ლობჯანიძე, საკრებულოს თავმჯდომარე ამირან გიორგაძე, ასევე მერიისა და საკრებულოს სხვა ხელმძღვანელი პირები. აღსანიშნავია, რომ დასუფთავების აქციაში მონაწილეობის სურვილი მუნიციპალიტეტთან ერთად მწვანეთა მოძრაობის წარმომადგენლებმა გამოთქვეს, რომლებმაც ღონისძიების ჩატარებისთვის მერიას ხელთათმანები და ნაგვისთვის განკუთვნილი პარკები გადასცეს. ადგილობრივი თვითმმართველობის ინიციატივითა და ორგანიზებით მასშტაბური გარემოსდაცვითი ღონისძიებები მომავალშიც გაგრძელდება. http://marneuli.gov.ge/…/1895-marneul...