სააკაშვილი ოპოზიციისგან ხელისუფლების „გადაგდებას“ მოითხოვს

მთავრობის ჩამოგდება, მასობრივი აქციები და ახალი საპარლამენტო არჩევნების დანიშვნა, - ეს არის დავალება, რომელიც სასამართლო დარბაზიდან მიხეილ სააკაშვილმა ოპოზიციას და მხარდამჭერებს მისცა. 7 ნოემბრის აქციის და ტელეკომპანია „იმედში“ შეჭრის გახმაურებულ საქმეზე გამართული დღევანდელი სასამართლო პროცესი ყოფილმა პრეზიდენტმა კვლავ პოლიტიკური განცხადებებისა და მოწოდებებისთვის გამოიყენა. ექს-პრეზიდენტმა ოპოზიციურ პარტიებს „პარლამენტარობანას თამაშის“ დასრულებისკენ და ქუჩისკენ მოუწოდა. დარბაზში ვითარება არაერთხელ გამწვავდა. სააკაშვილმა შეურაცხმყოფელი ეპითეტებით მიმართა მოსამართლეს და პროკურორს. გამოსვლის დროს ყოფილმა პრეზიდენტმა პარალელები უკრაინაში მიმდინარე ომსა და 7 ნოემბრის მოვლენებს შორისაც გაავლო, ისაუბრა 2008 წლის აგვისტოს ომზეც და საკუთარ თავს კიდევ ერთხელ უწოდა პუტინის ტყვე. არ არის გამორიცხული, რომ მიხეილ სააკაშვილის დღევანდელი მოწოდებები პროკურატურის შესწავლის საგანი გახდეს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.