საყოველთაო ჯანდაცვის რეფორმა

ჯანდაცვის რეფორმის გამო კლინიკების ნაწილმა გეგმიური ოპერაციების გაკეთება შეწყვიტა. საუბარია საყოველთაო ჯანდაცვის პროგრამაში ჩართულ საავადმყოფოებზე. 21 ნოემბრიდან რეანიმაციის და კარდიოლოგიის მიმართულებით ამოქმედებული ახალი ტარიფების შედეგად სამედიცინო დაწესებულებები ძირითადად მწვავე პაციენტებს იღებენ, რომლებსაც გადაუდებელი სამედიცინო დახმარება სჭირდებათ. ექიმები არ გამორიცხავენ, რომ შეცვლილი ტარიფების ძალაში დატოვების შემთხვევაში, კლინიკების ნაწილი საერთოდ დაიხუროს. სამედიცინო სფეროს წარმომადგენლები ახლა პრემიერისგან დაპირებული სამუშაო ჯგუფის შეხვედრას ელოდებიან, სადაც უნდა გაირკვეს, შეცვლის თუ არა ჯანდაცვის სამინისტრო სატარიფო პოლიტიკას. მედიკოსები განმარტავენ, რომ სამინისტროს მიერ შემცირებული ტარიფების გამო, პაციენტებს ხარისხიან მომსახურებას ვეღარ უწევენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.