იოსებ სუმბათაშვილის 100 წლის იუბილესადმი მიძღვნილი ღონისძიებები

10 დეკემბერს, საქართველოს კულტურისა და ძეგლთა დაცვის სამინისტროს მხარდაჭერით, ხელოვნების სასახლეში იოსებ სუმბათაშვილის 100 წლის იუბილესადმი მიძღვნლი გამოფენა გაიხსნა. ღონისძიების ფარგლებში, შედგა ასევე კატალოგის პრეზენტაცია, რომელიც საქართველოს კულტურისა და ძეგლთა დაცვის სამინისტროს მხარდაჭერით გამოიცა. მასში შესულია როგორც საქართველოში, ისე რუსეთის სახელმწიფო და კერძო კოლექციებში დაცული იოსებ სუმბათაშვილის ნამუშევრები. ღონისძიებას საქართველოს კულტურისა და ძეგლთა დაცვის მინისტრის მრჩეველი გიორგი გეგეჭკორი ესწრებოდა. ექსპოზიციაზე წარმოდგენილი იყო კინოსა და თეატრის ესკიზები და პორტრეტები, რომელიც ხელოვნების სასახლისა და შალვა ამირანაშვილის სახელობის სახელმწიფო ხელოვნების მუზეუმის არქივებშია დაცული; დამთვალიერებელმა ასევე იხილა ნამუშევრები არჩილ გელოვანისა და ალექსანდრე ბაგრატიონის პირადი კოლექციებიდან; ექსპოზიციაზე გამოიფინა მედეა ჯაფარიძის კოსტიუმიც, სპექტაკლიდან „რომეო და ჯულიეტა“. გამოფენა ხელოვნების სასახლეში 20 დეკემბრამდე გაგრძელდება. http://www.culture.gov.ge/   / culturegovge   http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045