IDFI-ს კვლევა

IDFI საგარეო საქმეთა სამინისტროს საეჭვო შესყიდვაზე საუბრობს და უწყების გადაწყვეტილების შესწავლას შესაბამის უწყებებს სთხოვს. „ინფორმაციის თავისუფლების განვითარების ინსტიტუტის“ კვლევის თანახმად, საგარეო საქმეთა სამინისტრომ ნახევარ მილიონ ლარზე მეტი ღირებულების კონტრაქტი 1 დღის დაარსებულ კომპანიასთან გააფორმა, რომლის ხელმძღვანელიც მინისტრის მოადგილის, ავთანდილ მახარობლიშვილის ძმაა. თანხა მთავრობის სარეზერვო ფონდიდან გამოიყო და კონტრაქტი ელექტრონული ტენდერის გარეშე, პირდაპირი წესით გაფორმდა. საუბარია 2017 წლის აგვისტოში, ლეონიძის ქ. 3-ში მდებარე შენობის ადაპტაცია-ცვლილებების სამუშაოებზე, რაშიც სამინისტრომ 722 ათასი ლარი გადაიხადა. ბრალდებას სამინისტროში უპასუხეს. წერილში განმარტებულია, რომ კომპანიის შერჩევისას უმთავრესი კრიტერიუმი არა თავად კომპანია, არამედ მასში დასაქმებული კვალიფიციური სპეციალისტები და მათი გამოცდილება იყო. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchanne... გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.