საკრებულოს სხდომა

თბილისის საკრებულოს სხდომა ფრაქცია „ევროპული საქართველოს“ წევრებმა პროტესტის ნიშნად დატოვეს. სხდომას არ დასწრებიან „ნაციონალური მოძრაობის“ დეპუტატებიც. დღის წესრიგით გათვალისწინებული საკითხების განხილვამდე, გიორგი გაბაშვილმა პოლიტიკური განცხადება გააკეთა და აღნიშნა, რომ საზოგადოება ორად არის გაყოფილი და ამაში მათ ხელს ხელისფლება უწყობს. დეპუტატის თქმით, ბოლო თვეებში, არჩევნების შემდეგ, მმართველმა ძალამ არასწორი დასკვნები გააკეთა და საზოგადოების გზავნილები სათანადოდ ვერ გაიგო. სხდომის დასრულების შემდეგ ოპოზიციის მიერ დარბაზის დატოვებას საკრებულოს თავმჯდომარე გამოეხმაურა. გიორგი ტყემალაძის თქმით, ოპოზიციამ დღეს ბოიკოტი არა საკრებულოს უმრავლესობის წევრებს, არამედ იმ ადამიანებს გამოუცხადა, რომელთა საკითხიც დღევანდელ სხდომაზე განიხილებოდა. დეპუტატებმა 34 ოჯახისთვის სიმბოლურ ფასად, საცხოვრებელი ფართების დაკანონების საკითხი დაამტკიცეს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.