დაპირისპირება „ნაციონალურ მოძრაობაში“

ვადამდელი შიდა არჩევნების წინ „ნაციონალურ მოძრაობაში“ დაპირისპირება მწვავდება. ყველაზე მსხვილი ოპოზიციური პარტიის წევრებმა და ელექტორატმა ახალი თავმჯდომარე იანვრის ბოლოს უნდა აირჩიოს. არჩევანი ნიკა მელიას, ლევან ხაბეიშვილსა და გიორგი მუმლაძეს შორის არის გასაკეთებელი. პოლიტსაბჭოს მიერ დადგენილი თარიღის მოახლოებასთან ერთად თავმჯდომარეობის კანდიდატებს შორის ურთიერთობა სულ უფრო იძაბება. ხაბეიშვილი მელიას ამჯერად გენერალური მდივნის პოსტიდან პეტრე ცისკარიშვილის გადაყენების მცდელობის გამო აკრიტიკებს და მოქმედ თავმჯდომარეს თავის მხარდამჭერ თანაპარტიელებთან ერთად კაბინეტიდან გამოსვლისკენ და რეგიონებში გასვლისკენ მოუწოდებს. პარტიის შიგნით მღელვარება მიხეილ სააკაშვილის სასამართლო პროცესის მოახლოების გამოც მატულობს. 14 დეკემბერს მოსამართლემ ექს-პრეზიდენტისთვის სასჯელის გადავადების შუამდგომლობაზე უნდა იმსჯელოს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.