„ნაციონალური მოძრაობის“ მოთხოვნა

სამკურნალოდ მიხეილ სააკაშვილის საზღვარგარეთ გადაყვანის მოთხოვნით პროტესტი გრძელდება. აქციები დღეს თბილისთან ერთად ბათუმშიც მოეწყო. საერთაშორისო ზეწოლა და შიდა პროტესტი - ამ გზებით ესახებათ ექს-პრეზიდენტის ოჯახს და თანაგუნდელებს მოთხოვნის დაკმაყოფილება. მათ მოთხოვნას ეთანხმება „ევროპის სახალხო პარტიაც“, რომელიც ხელისუფლებას წერილით მიმართავს. „ქართული ოცნებიდან“ კი ოპონენტებს არწმუნებენ, რომ ყოფილ პრეზიდენტს ყველა სამედიცინო სერვისი მიეწოდება, რაზეც პატიმარი თავად ამბობს უარს. ხელისუფლება სააკაშვილის გარემოცვის მიერ დასახელებულ ჯანმრთელობის პრობლემებს სასჯელის გადავადების ან საზღვარგარეთ გადაყვანის საფუძვლად არ მიიჩნევს. სანამ მოქმედი და ყოფილი მმართველი პარტიებისგან ურთიერთგამომრიცხავი განცხადებები გვესმის, სახალხო დამცველის მიერ შექმნილ სამედიცინო ექსპერტთა დასკვნა კი დავის საგანია, ოპოზიციის ნაწილი პროცესის პოლიტიკისგან დასაცლელად გაფართოებული კონსილიუმის მოწვევას ითხოვს.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.