დებატები ბრიტანული საზოგადოებრივი მაუწყებლის ორგანიზებით

ბრიტანული საზოგადოებრივი მაუწყებლის ორგანიზებით თბილისში დღეს დებატები გაიმართება. თავისუფალ თეატრში „ბიბისის“ რადიო გადაცემა „მსოფლიო კითხვების“ ჩაწერა მიმდინარეობს. დებატებში მონაწილეობის მიღება ნებისმიერ მსურველს შეეძლო. ამისთვის საჭირო იყო რეგისტრაცია. დისკუსიაში მონაწილეობს დეპუტატი „ქართული ოცნებიდან“, მარიამ ლაშხი და „ერთიანი ნაციონალური მოძრაობის“ წევრი თინა ბოკუჩავა. ისინი აუდიტორიის მიერ დასმულ კითხვებს პასუხობენ. როგორც „მოამბესთან“ საუბარში გადაცემის წამყვანი ანუ ანანდი ამბობს, ის ელოდება რომ აუდიტორია დასვამს კითხვებს რუსეთთან ურთიერთობების შესახებ, ეკონომიკურ საკითხებზე, სოციალურ თემებზე. მსოფლიო კითხვების პროდიუსერი ჰელენ ტოუნერი კი აცხადებს, რომ გადაცემის ჩაწერა საქართველოში გადაწყდა, რადგანაც ახლა ქვეყნისთვის საინტერესო მომენტი დგას, როდესაც საქართველო ელოდება პასუხს ევროკავშირში გაწევრიანების შესახებ. თბილისში გამართული დებატების ჩანაწერი ბიბისის რადიო მსმენელისთვის მსოფლიო მასშტაბით იქნება ხელმისაწვდომი. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/1stchannel.1... გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.